SOAL ULANGAN BASA SUNDA

                           

SOAL  ulangan kls X

    Jawab kalayan singget!

1.   Tarjamahan tina kalimah “Saya merasa bangga menjadi orang Sunda.” anu merenah, nyaéta...

2.   Paribasa “Waktu sarua jeung duit” mangrupa tarjamahan tina basa Indonésia, nyaéta...

3.   jelaskeun tilu kamampuh basa nu kudu kacangking mun urang rék narjamahkeun !

4.   pek jieun kalimatna ku hidep anu ngandung sosiolinguistik jeung semantik !

5.   Naon pentingna jeung tujuan narjamahkeun téh ?

6.    Kumaha ari kamampuh gramatikal dina narjamahkeun?

7.   Pek tataan hiji – hiji jeung jelaskeun  aturan nerjemahkeun kuhidep!

8.   Jelaskeun definisi engang ! jeung kabagi sabaraha ari engang teh jelaskeun oge hiji hiji ku hidep !

9.   Pek bere conto kecap anu unina aya 5 engang !

10.   Jelaskeun naon ari ngaran asakan ngabangkerok teh !

BACA DONGENG DI HANDAP IEU SING GEMET (TALITI )!!!

“REUNGIT SOK DISADA KANA CEULI”

Jaman baheula aya hiji Nagara reungit, anu diratuan ku rengit awewe. Eta nagara pohara beungharna. Tentarana gagaragah, patihna satia. Sang ratu kacida gindingna, pakeanana hurung-herang, make geulang jeung suweng  emas.

Dina hiji peuting, keur jemplang jempling, aya jelema asup ka karaton Ratu reungit tea, kabeneran tentara anu jaraga sarare mani talibra, atuh eta jelema teh jongjon asup ka kamar Ratu. Kebeneran Ratu oge keur tibra deuih. Karayap eta jelema teh ngadeukeutan sang Ratu reungit, tuluy suweng nu dipake Sang Ratu dilaan. Tapi kakara dilaan sabeulah, kaburu Sang Ratu hudang manten, tuluy gogorowokan, “ Bangsaaaaatt! Bangsaaatt! Bangsaaaatt!”. Eta jelema kaluar terus kabur bari mawa suweng sabeulah. Tentara nu jaraga tea, tuluy ngarudag, tapi eta jalma teu kasusul.

Isukna Sang Ratu marentah ka tentara jeung rahayatna, pokna, “ Sakabeh bangsa reungit kudu nareangan suweng anu dipaling tea, tempoan dina unggal ceuli jelema!”

Ti harita sakabeh reungit nareangan eta suweng. Nepi ka kiwari reungit-reungit teh masih keneh nareangan eta suweng nempoan kana ceuli jelema-jelema, bari disada “sueeengngng’. (dicutat tina buku dongeng-dongeng sasakala)

11.  Analisis dongeng di luhur make unsur-unsur intrisik  !

- tema                             - latar

- judul                            - galur

- tokoh                           - amanat

- watak

12 Sebutkeun jenis - jenis dongeng (papasingan dongeng) basa Sunda sakalian jeung contona!

13. Sebutkeun kunaon dina carpon aya unsur ekstrinsik ! Jelaskeun kumaha cara nganalisisna !

14. Jelaskeun ku hidep cara Ngadogéng ngagunakeun papan flannel !

15. Kabagi sabaraha dongeng legenda teh ? jelaskeun jeung contoan !

16. Pek teangan ku hidep conto judul dongeng di luar nagari anu sarua       jeung dongeng si kabayan !

17. Unsur ekstrinsik dongeng teh naon bae? coba jeulaskeun hiji – hiji !

18. Numutkeun Budi Rahayu Tamsah, dongeng nyaeta ?

19. Aya sabaraha hiji fungsi dongeng teh ?

20. Dongéng mampuh ngaronjatkeun Intelegence Question (I.Q) budak,       eta teh numutkeun panalungtikan saha jeung tahun sabaraha ?

    

                          

SOAL Ulangan kls  XI 

    Jawab kalayan singget!

1.   Wangenan Biantara, nyaéta...

2.   Tataan kuhidep tujuan biantara jeung Jelaskeun !

3.   Tataan hiji – hiji kuhidep Padika Biantara jeung jelaskeun !

4.   Wanda dina biantara aya sabaraha hiji  sebut keun ? jeung jeulaskeun !

5.   Naon gunana biantara teh sebutkeun ?

6.    Naon wae ari Persiapan Biantara teh, sebutkeun ?

7.   Pek tataan Carangka Biantara kuhidep!

8.   Sebutkeun jeung jelaskeun  unsur unsur dina biantara !

9.   Jelaskeun naon ari nudimaksud nyaho wawasan anu ngadangukeun biantara secara umum !

10.   Naon nu dimaksud “ Pikeun nepikeun rupaning kapentingan/maksud dina guna biantara, jeulaskeun !

11.   Sisindiran digolongkeun jadi 3 bagian nya eta.?

12.   .Abdi teh kapiring leutik

  Kaisinan ku gamparan

 Jawaban  tina wawangsalan di luhur nya eta.?

13.     Anak badak ti Ciceuri

  Rek dibawa ka Cililin

  Ngadak-ngadak ngajak seuri

  Lila-lila ngajak  kawin

Sisindiran di luhur kagolong kana ?

14.   Mun ngala koneng ka Bandung

.................................................

 Mun urang goreng ka indung

..................................................

           Sok lengkepan sisindiran rarakitan piwuruk diluhur, baris ka 2   jeung ka 4 ku hidep ?

                                                                                                                                                                        

15.   Lengkepan sisindiran sesebred dihandap ieu  

 Boboko keur wadah kangkung

  Digantelan daun honje

  ............................................

 .............................................

16.   Sisindiran téh asalna tina kecap naon ? jeung naon artina ?

17.   Ciri-ciri sisindiran bentuk paparikan, rarakitan jeung wawangsalan nya éta :

18.   Léngkah-léngkah nyieun sisindiran wangun paparikan, jeung rarakitan, nyaeta ?

19.   Sok analisis ku hidep gaya bahasa, purwakanti, sisindiran di handap ieu ?

Meuli kurupuk sadacin

Diwadahan kana kalo

Nu dipupuk ku prihatin

Eta nu diasih ku Alloh

 20. Léngkah-léngkah nyieun sisindiran wangun wawangsalan nyaeta ?

 

SOAL Ulangan  KLS XII 

    Jawab kalayan singget!

1.   Naon ari nudisebut tradisi teh nyaéta...

2.   Dina tradisi sunda ngawinkeun aya salah sahijina “ Nincak Endog” naon maksudna,coba jeulaskeun.!

3.   Samemeh malawija atawa samemeh nyimpen hasil palawija jeung tatanen dikampung naga sok diayakeun ritual heula kujalan meulem menyan (kemenyan) dina parupuyan, jelaskeun kuhidep simbol simbol anu aya dina waktu meulem menyan dina parupuyan  ?

4.   “ Jati kasilih ku junti lengit ciri tinggal cara” naon artina mun di terapkeun kana tradisi sunda ?

5.   Jelaskeun dina ritual acara tradisi tenjrag bumi ka budak téh naon maksudna !

6.    Sok tataan hiji – hiji kuhidep ari sstem upacara adat teh aya sabaraha ! Jelaskeun hiji – hji !

7.   Pek tataan hiji – hiji jeung jelaskeun  kuhiep fungsi upacara adat !

8.   Tradisi anu masih keneh dilaksanakeun nepi ka ayeuna aya sabaraha ? terus jelaskeun ku hidep hiji - hiji !

9.   Pek jelaskeun kuhidep naon maksudna fungsi sosial dina fungsi pacara adat !

10.   Jelaskeun naon ari maksudna bagantena waktu teh !

11. Sebutkeun sasaruaan jeung bédana carita wayang jeung dongéng!

12. carita ramayana jeung mahabarata saha nu ngarangna jeung sabaraha panjangna?

13. Di mana tempat mimiti mekarna seni wayang golék di Pasundan téh?

14.  naon nu disebut kakawen, murwa,nyandra, antawacana, jeung janturan téh?

15. Salian ti wayang golék, di Pasundan téh kungsi aya wangun wayang naon deui? Di mana ayana? jeung sebutkeun lalakon caritana!

16. ari nu disebut satria pringgandani teh saha? Jeung naon ajianna sarta pakarangna/senjatana ?

17. Kumaha hubungan Déwi Kunti jeung Déwi Gandari ka Pandu jeung Déstrarata?

18. Ari pandawa lima téh saha waé? Kumaha hubunganana jeung Dipati   Karna?

19. Naon sababna para Pandawa dibéré  leuweung Wanamarta ku Déstrarata?

20. Ku naon pangna Pandawa jeung Kurawa perang sadulur (Bratayuda)?